№95 мектеп-лицейінде жаңа оқу жылының басталуына орай педагогикалық кеңес өтті

2025 жылғы 25 тамыз күні №95 мектеп-лицейінде «Білім беру ұйымының 2025–2026 оқу жылындағы білім беру саясаты мен басымдықтары» атты №1 педагогикалық кеңес өтті.

Күн тәртібінде:
1. Мемлекеттік білім беру саясатының негізгі бағыттары мен жаңа нормативтік өзгерістер туралы – Ш.Аубакирова
2. Жаңа оқу жылында білім беру ұйымының жұмысының басымдықтары мен негізгі бағыттары туралы – А.Кошкимбаева
3. Жылдық жұмыс жоспарын бекіту туралы – Г.Тилдабаева
4. Мектептің ұйымдастырушылық-шаруашылық қызметі туралы – Ж.Амирхожаева

Шара барысында «Білім саласында сапаны қамтамасыз ету департаменті» білім сапасын сырттай бағалау бөлімінің басшысы м.а. Күлбай Абылайхан Айдарұлы сөз сөйлеп, жаңа оқу жылымен құттықтап, ұстаздарға марапаттар табыстады.

Педагогикалық кеңес жылы атмосферада өтіп, жаңа оқу жылына сенімді қадамдармен бастауға серпін берді.